تانری یارالدیبدی سنی من اوچون

سنی گؤرن زامان تیتردی دیزلر

 

گؤزلریم قرلدی ، دونیا قوتولدو

 

ایستدیم دیه م کی سئویرم سنی

 

اللریم اسیرکن دیلیم توتولدو

 

 

یاشاییش معناسین آنلادیم او گون

 

آنلادیم کی اورک عقله حوکم ائدیر

 

گؤزلریم گؤزونه توخونان زامان

 

اورکده قیریلان بیلمیرم ندیر

 

 

اتاقیمدا دوزوب پالتارلاریمی

 

اونو چیخاردیرام ، بونو گئییرم

 

آینا قاباقیندا اؤزومو توتوب

 

سنه دیه ن سؤزو اونا دئییرم

 

 

سنی سئومه ییمین اندازاسیندا

 

تاپانمیرام جومله اورکدن دیه م

 

منی لاییق بیلسن ایستیرم گولوم

 

عشقینین کوینه یین اینیمه گیه م

 

 

تانری یارالدیبدی سنی من اوچون

 

سن ، آللاه ورگیسی ، سن منیم گولوم

 

دونیادا وار بیر تک ایسته ییم ، اودا :

 

سن منه ناز ایله ، من سنه اؤلوم

/ 5 نظر / 22 بازدید
ناصر بقالی

اتاقیمدا دوزوب پالتارلاریمی اونو چیخاردیرام ، بونو گئییرم آینا قاباقیندا اؤزومو توتوب سنه دیه ن سؤزو اونا دئییرم سلام جناب ولی زاده. لذت بردم از شعر برخواسته از ته قلبتون [گل]

غزل

تانری یارالدیبدی سنی من اوچون سن ، آللاه ورگیسی ، سن منیم گولوم دونیادا وار بیر تک ایسته ییم ، اودا : سن منه ناز ایله ، من سنه اؤلوم سلام مثل همیشه زیبا و پراحساس و تاثیرگذاربود. دستتون درد نکنه[گل]

جواد

سلام خوبی مرسی که به شهر ماهم یه نگاهی کردی یاشاسین دیزلر

دوست

سلام آقای ولی زاده .واقعأ حرف نداره (عبادپور)

دوست

سلام آقای ولی زاده .واقعأ حرف نداره (عبادپور)